اسلام آباد ۔ 23 فروری (اے پی پی) پاکستان اتے ایران توانائی،بجلی دی فراہمی اتے اقتصادی سیکٹرز سمیت مختلف منصوبیاں تے عملدرآمد تے اتفاق کیتے۔اے اتفاق رائے مشیر خارجہ سرتاج عزیز اتے انہاں دے ایرانی ہم منصب جاوید ظریف وچال تہران اچ ملاقات اچ پاتا گئیا۔ڈوہیں رہنمائواں آپسی دلچسپی دے اتے ڈو پاسہ تجارتی معاہدیاں بارے معاملیاں تے گالھ مہاڑ کیتی گئی۔انہاں دہشت گردی دی روک تھام سانگے علاقائی تعاون کوں ودھارا ڈیونڑ دی لوڑھ تے زور ڈتا۔مشیر خارجہ آپنڑے دورہ تہران اتے وزیر خارجہ جاوید ظریف سمیت سینئر ایرانی حکام نال ملاقاتاں تے اطمینان دا اظہار کیتا۔پاکستان اچ اجوکی دہشت گردی دے واقعیاں دا ذکر کریندیں ہوئیں مشیر خارجہ سرتاج عزیز آکھیا جو پاکستان دی حکومت دہشت گردی دے خلاف جنگ سانگے ٹھوس اقدامات کیتن۔
