اسلام آباد ۔ 14 فروری (اے پی پی) صدر مملکت ممنون حسین آکھیا جو ملک اچ انتہا پسند نظریات کوں ہراونڑ سانگے ادیباں اتے شاعراں کوں اہم قومی کردار نبھاونڑاں اے تانجو ترقی تے خوشحالی دی راہ ہموار کرنڑ سانگے نویں نسل کوں منفی رجحانات توں بچایا ونج سگے۔اے گالھیں انہاں منگل کوں ایوان صدر اچ اہل قلم دا گیت بنڑاونڑ آلے آرٹسٹاں،شاعر اتے کمپوزر نال ملاقات وچال آکھی جئیں دی قیادت وزیراعظم دے مشیر برائے قومی تاریخ و ادبی ورثہ ڈویژن عرفان صدیقی کریندے پئے ہن ۔صدر آکھیا جو معاشرے اچ عدم برداشت نال بہوں مسئلے پیدا تھیندے پئن اتے آرٹ اتے ادب انہاں مسئلیاں دے حل سانگے چنگا کردار نبھا سگدن۔
