اسلام آباد ۔ 10فروری(اے پی پی) وزیر قومی صحت سائرہ افضل تارڑ وزیراعظم دے ہیلتھ انشورنس پروگرام اُتے عمل درآمد دا جائزہ گھنڑ سانگے جمعے کوں اسلام آباد دے ایچ بی ایس ہسپتال اتے النفیس ہسپتال دا اچانک دورہ کیتاجیندا مقصد وزیراعظم دے ہیلتھ پروگرام دے پینل اُتے موجود ہسپتالاں ولوں مریضاں کوں ڈتیاں ونجنڑآلیاں سہولتاں اتے علاج معالجے دا جائزہ گھنڑاں ہئی ۔ سائرہ افضل تارڑ معائنے دے دوران مریضاں اتے انہاںدے لواحقین نال ہیلتھ انشورنس پروگرام دے تحت مفت علاج معالجہ، دوائیاں دی مفت فراہمی اتے سہولتاں بارے تفصیل نال پچھ گچھ کیتی جو تہاڈے علاج اچ کئی کوتاہی یا غفلت تا ں کائنی تھیندی پئی ۔ ہسپتال دے معائنے دے دوان مریضاں خوشی دا اظہارکیتا اتے آکھیا جو وزیراعظم دے ہیلتھ کارڈ پاروں ہنڑ او نجی اتے سرکاری ہسپتالاں اچ موثر، مفت اتے ویلے سر علاج دیاں سہولتاں توں فیدہ چیندے پئن، اتے اے کارڈ اساڈے کیتے ہک نعمت توں گھٹ کائنی ۔ انہاں آکھیا جو اساں آپنڑیں ایں پروگرام دے میعار کوں چنگے توں چنگا کرنڑ سانگے نگرانی اُتے خاص توجہ ڈتی ہوئی ہے ۔ ایں سانگے میں اتے میڈی ٹیم ایں پروگرام دے تحت کارڈ ہولڈرزکوں سایاں سہولتاں دی فراہمی کوں یقینی بنڑیندے پئے ہئیں ۔
