اسلام آباد ۔ 12 فروری (اے پی پی) وزارت ریلوے مسافراں کوں بہترین سفری سہولتاں ڈیونڑ کیتے سارے ملک اچ 33ریلوے اسٹیشناں دی تزین و آرائش دی منصوبہ بندی کیتی ہے ۔ اتوار کوں وزارت ریلوے دے حکام اے پی پی نال گالھ مہاڑ اچ آکھیا جو وزارت ریلوے مسافراں کوں بہترسفری سہولتاں ڈیونڑ کیتے بہاولپور ،اوکاڑہ ،ساہوال ،رائیونڈ ،نارووال ،ننکانہ صاحب اتے حسن ابدال دے ریلوے اسٹیشناں دی تعمیر کیتے کم پہلے توں شروع ہے ایندے نال نال وزارت ریلوے بئے مزید 33ریلوے اسٹیشناں دی تزین و آرائش دا فیصلہ کیتے ۔ ریلوے حکام ڈسایا جو موجودہ حکومت ریلوے اسٹیشناں دی تزین و آرائش ،تعمیر اتے بحالی کیتے 451.256ملین روپے خرچ کیتے ہن۔ ریلوے حکام ڈسایا جو بہوںتکھے سارے پاکستان اچ ای ٹکٹنگ دی سہولت ڈیونڑدا کم شروع تھی ویسی اتے ایں بارے اقدامات کیتے ویندے پن ۔ انہاں آکھیا جو حکومت 38.262.991ملین روپے دی لاگت نال لودھراں توں کوٹلی سیکشن دے سگنل سسٹم دی بحالی اتے بہتری دے منصوبے دا پی سی ون منظور کرگھدے ۔ حکام ڈسایا جو اے منصوبہ دے پاک چائینہ اقتصادی راہداری اچ شامل تھیونڑ پاروں منصوبے اُتے کم شروع کائنی تھی سگیا۔ انہاں ڈسایا جو لودھراں توں شاہدارہ باغ تئیں 31ریلوے اسٹشناں اُتے 433 کلومیٹر تئیں سگنل سسٹم دی بحالی اتے اے پی ٹی سسٹم سمیت 17.464ملین خرچ تھیسن ۔
