اسلام آباد ۔ 10 فروری (اے پی پی) وزارت منصوبہ بندی تے ترقیات سرکاری شعبے تے ترقیاتی کماں سانگے ہائر ایجوکیشن کمیشن سانگے 8ارب 54کروڑ 87لکھ روپے توں ودھ دے فنڈز جاری کر ڈتے ہن ۔ حکومت ہائر ایجوکیشن کمیشن دے ترقیاتی کماںسانگے 21ارب 48 کروڑ توں ودھ دے فنڈز رکھیے ہن ۔پلاننگ کمیشن توں جاری اعداد شمار دے مطابق حکومت فاٹا یونیورسٹی سانگے 8کروڑ 50لکھ روپے ‘ زرعی ینورسٹی فیصل آباد سانگے 23کروڑ ‘ شہید بے نظیر بھٹو یونیورسٹی سندھ سانگے 16کروڑ‘ یونیورسٹی آف لورہ لائی سانگے 6کروڑ‘ یونیورسٹی آف تربت سانگے 12کروڑ ‘ یونیورسٹی آف انجینئرنگ و ٹیکنالوجی دے سب کیمپس ناروال سانگے 18 کروڑ ‘ فل برائٹ سکالر شپ سانگے 50 کروڑ ‘ ہیومن ریسورس ڈویلپمنٹ سانگے55کروڑ ‘ 5ہزاردی پی ایچ ڈی فیلو شپ سانگے 55کروڑ ‘ اوورسیز سکالر شپ سانگے 60 کروڑ ‘ شہید ذوالفقار علی بھٹو میڈیکل یونیورسٹی سانگے 20کروڑ سمیت مختلف ترقیاتی منصوبیں سانگے فنڈز جاری کر ڈتے ہن
