وزیراعظم محمد نوازشریف دا پاک بحریہ دی ملٹی نیشنل ایکسرسائز امن ۔17 دے موقع تے پیغام

چائنہ پاکستان اقتصادی راہداری دے بعد سمندری گزرگاہواں تے ودھدے ہوئے انحصار پاروںسمندر اچ محفوظ ماحول کوں برقرار رکھنڑ دی ضرورت ہے
پاکستان نیوی گیشن دی آزادی، قانونی سمندری نظام کوں یقینی بنڑاونڑ دا عزم کر رکھیا ہے
اسلام آباد ۔ 10 فروری (اے پی پی) وزیراعظم محمد نوازشریف کثیر الاقومی سمندری مشق امن ۔17 دے شرکا دا پر تپاک خیر مقدم کریندے ہوئیں آکھیا ہے جو انہاں کوں ایں گالھ دی خوشی ہے جو مشقاں دی امن سیریز دے ذریعے پاک بحریہ مشرق اتے مغرب دی بحری فوج کوں ہک پلیٹ فارم تے کٹھا کریندے ہوئیں سمندری احاطہ قاچ ہک پل قائم کرنڑ اچ کامیاب تھی ہے ۔پاک بحریہ دی ملٹی نیشنل ایکسر سائز امن ۔17دے موقع تے اپنڑے سنھیے اچ انہاں آکھیا جو چائنہ پاکستان اقتصادی راہداری دے نال پاکستان دی جیو سٹریٹجک اہمیت خطے سانگے اہم گیم چینجر ثابت تھیسی ۔اے وڈا منصوبہ علاقائی اتے بین الاقوامی معاشی ترقی تے دے چنگے امکانات خاص طور تے بحری شعبے اچ ترقی دا حامل ہوسی ۔زبر دست معاشی فائدے دے نال سمندری گزر گاہواں ودھدے ہوئیں انحصار پاروں سمندر اچ محفوظ ماحول کوں بر قرار رکھنڑ دی ضرورت ہے ۔انہاں آکھیا جو بحر ہند اچ میری ٹائم سیکورٹی چیلنج کثیر الجہتی ہن سمندری دہشت گری ،منشیات دی سمگلنگ اتے سرقہ جیہوجے خطریں نال نال نبڑنڑ سانگے عالمی کوششاں دی ضرورت ہے اتے انہاں خطریں سانگے بین الاقوامی بحری فوج وچال تعاون دی ضرورت ہے ۔انہاں ایں اعتماد دا اظہار کیتا ہے جو مشق امن ۔17ایں سمت ہک وڈی جدوجہد ہوسی ۔ وزیراعظم وڈی تعداد اچ امن ۔17 مشق اچ شرکت کرنڑ تے مختلف ملکاں دی بحری فوج توں اظہار تشکر کیتا تے انہاں 2007دے بعد مشقاں دی امن سیریز دا کامیاب انعقا د سانگے پاک بحریہ دے جذبے دیاں کوششاں دی وی تعریف کیتی ۔