وزیراعظم محمد نواز شریف اتے آذربائیجان دے صدر الہام علیوف وچال ون آن ون ملاقات

اسلام آباد ۔ 28 فروری (اے پی پی) پاکستان اتے آذربائیجان وچال توانائی دے شعبے اچ تعاون سانگے مفاہمتی یادداشت تے دستخط کیتے گئے ۔منگل کوں وزیراعظم ہائوس اچ زیراعظم محمد نواز شریف اتے آذربائیجان دے صدر الہام علیوف وچال ون آن ون ملاقات کیتی بعد اچ مفاہمتی یادداشت تے دستخط کیتی گئے ۔ آذربائیجان دے صدر الہام علیوف 13 ویں ای سی او کانفرنس اچ شریک تھیونڑ سانگے پاکستان آئے ہوئے ہن ۔ وزیراعظم محمد نواز شریف ‘ وزیراعظم ہائوس آونڑ تے صدر الہام علیوف اتے انہاں دے وفد دا مرکزی دروازے تے استقبال کیتا اتے انہاں کوں خوش آمدید آکھیا۔ پاکستان اتے آذربائیجان وچال توانائی دے شعبہ اچ بین الحکومتی تعاون سانگے مفاہمتی یادداشت تے وفاقی وزیر پٹرولیم و قدرتی وسائل شاہد خاقان عباسی اتے آذربائیجان دے توانائی دے وزیر ناتج علیوف دستخط کیتے۔ وزیراعظم محمد نواز شریف دی قیادت اچ وزیر برائے دفاعی پیداوار رانا تنویر، وفاقی وزیر پٹرولیم تے قدرتی وسائل شاہد خاقان عباسی، وزیراعظم دے خصوصی معاون طارق فاطمی، نامزد سیکرٹری خارجہ تہمینہ جنجوعہ وفود دی سطح تے گالھ مہاڑ اچ پاکستان دی نمائندگی کیتی جڈانجو آذربائیجان دے صدر الہام علیوف دی معاونت آذربائیجان دے وزیر خارجہ المار ممدوروف، مشیر خارجہ نوروز ممدوف، وزیر برائے معیشت شاہین مصطفی یوف، وزیر توانائی ناتج علیوف اتے پاکستان اچ آذربائیجان دے سفیر علی علی زادہ کیتی۔