انقرہ ۔ 23 فروری (اے پی پی) وزیراعظم محمد نواز شریف اتے ترکی دے وزیراعظم بن علی یلدرم آکھیا جو پاکستان اتے ترکی کوں دہشت گردی دا سامنڑاں اے اتے ڈوہاں ملک خطے دے امن سانگے ایں ناسور نال رل تے لڑسن۔خمیس کوں پنجویں اعلی سطحی سٹرٹیجک تعاون کونسل دے اجلاس دے موقع تے سانجھی پریس کانفرنس کریندیں ہوئیں ڈوہیں وزیراعظم آکھیا جو دہشت گردی اتے انتہاپسندی دے خلاف آپنڑے آپنڑے ملکاں اچ سخت کاروائی دے عزم دا اظہار کیتے۔وزیراعظم محمد نواز شریف آکھیا جو ترکی دے دشمن پاکستان دے دشمن ہن ۔انہاں آکھیا جو دہشت گردی دے خلاف جنگ اچ ترکی دے رلے کھڑے تھیونڑ دا عزم دا اعادہ کیتا۔انہاں اعتماد کیتا جو ترک قیادت دہشت گردی دے سارے خطریاں نال موثر طور نبڑسی اتے صدر طیب اردگان دی رہنمائی اچ امن اتے خوشحالی آلے پاسے ٹردی پئی اے۔وزیراعظم آکھیا جو پاکستان کوں ایں ویلھے دہشت گردی دے چیلنجاں دا سامنڑاں اے۔انہاں حال اچ ای سیہون شریف مزارجیڑھی جو امن دی ہک علامت اے،تے تھیونڑ آلے حملہ دا ذکر کیتا اتے آکھیا جو دہشت گردی خواہ کہیں وی شکل اچ ہووے اوں نال نبڑنڑ سانگے کوششاں جاری رہسن۔
