وزیراعظم محمد نواز شریف دی امن و امان دی صورتحال دا جائزہ گھنڑ سانگے سیہون شریف اچ اجلاس وچال ہدایات

یہون ۔ 17 فروری (اے پی پی)وزیراعظم محمد نواز شریف ‘ دہشت گرداں دے قلع قمع سانگے آپنڑی حکومت دے عزم دا اعادہ کریندیں ہوئیں فوج کوں اختیار ڈتے جو دشمن جتھاں وی ہووے اونکوں ختم کر ڈتا گئے ۔وزیراعظم ہائوس دے طیان دے مطابق وزیراعظم،صوفی بزرگ لعل شہباز قلندر دی درگاہ تے بم دھماکہ دے بعد امن و امان دی صورتحال دا جائزہ گھنڑ سانگے جمعہ کوں اتھاں ہک اجلاس دی صدارت کیتی۔چیف سیکرٹری سندھ انہاں کوں افسوسناک واقعہ بارے ڈسیا جئیں اچ افراد شہید، 343 زخمی تھیے جئیں اچوں 76دی حالت نازک اے۔وزیراعظم آکھیا جو پاکستان آپنڑے قیام توں ای آپنڑی شناخت دی جنگ لڑدا پئے ،امن تے خوشحالی دے نصب العین اچ ہر ریاست دی تریخ اچ انہاں عناصر دی مخالفت دا سامنڑاں رہیا جیڑھا جو بربریت دے دور کوں واپس گھن آونڑ دے درپے ہن ۔انہاں آکھیا جو انتہا پسنداں دے خلاف کٹھا تھیونڑ آلے لڑنڑ دا ویلھا اے چاہے او ملک اچ ہوون یا باہر توں امدے پئے ہوون ،میں آپنڑی مسلح فوج اتے قانون نافذ کرنڑ آلے اداریاں کوں ہدایت کرینداں جو دشمن کتھائیں وی ہووے اونداپوری ریاستی طاقت دے نال خاتمہ کر ڈتا ونجے۔