پاکستان اقتصادی راہداری منصوبے اچ ترکی دی شمولیت دا خیرمقدم کریسی، پرامن افغانستان پاکستان اتے خطے دے مفاد اچ ہے،
انقرہ ۔ 24 فروری (اے پی پی) وزیراعظم محمد نواز شریف آکھیا ہے جو پاکستان اقتصادی راہداری منصوبہ اچ ترکی دی شمولیت دا خیرمقدم کریسی ، پرامن افغانستان پاکستان اتے خطے دے مفاد اچ ہے، 2013ءدے مقابلے اچ 2017اچ لوڈ شیڈنگ دی صورتحال اچ چنگائی تھی ہے میڈیا اچ خود کوں احتسابی اگے تے ودھنڑ دا رستہ ہے ، پاکستان دیاںساریاں سیاسی جماعتاں تے رہنماواں کوں ملکی ترقی تے خوشحالی سانگے رل تے کم کرنڑاں چاہیدا ہے ۔انہاں خیالاں دااظہار انہاں ناشتے تے صحافیاں نال گالھ مہاڑ کریندے ہوئیں کیتا ۔وزیراعظم آکھیا جو پاکستان تے ترکی وچال تعاون اچ مزید پیشرفت تھی ہے ترکی وسط ایشیائی ملکاں دے نال رل تے چین پاکستان اقتصادی راہداری کوں ترقی ڈے سگداہے ۔وزیراعظم آکھیا جو اساڈ امستقبل خنجراب توں چین تے کرغرستان اتے قزاخستان تئیں وسطی ایشیائی ملکاں دے نال رابطہ قائم کرنڑ تے مرکوز ہے ۔وزیراعظم آکھیا جو ترکی دے صدر دے نال ملاقات اچ شام روس تے داعش دے علاوہ آزاد تجارت دے معاہدے اتے اقتصادی تعاون سمیت مختلف امور تے گالھ مہاڑ تھی ہے ۔ہک سوال دے جواب اچ وزیراعظم آکھیا جو پاکستان دیاں ساریاں سیاسی جماعتاں تے رہنماواں کوں ملکی ترقی سانگے رل تے کم کرنڑاں چاہیدا ہے ۔
