کراچی اچ امن و امان دی صورتحال اچ چنگائی تھی ہے ، وفاقی حکومت سندھ دے دیہاتی تے شہری علاقیں دی ترقی تے توجہ ڈتے ہوئے ہے ،توانائی، انفراسٹرکچر اتے سماجی شعبیں سمیت سندھ دے عوام سانگے کئی منصوبے شروع کیتے ہن
اسلام آباد ۔ 10 فروری (اے پی پی) وزیراعظم محمد نواز شریف آکھیا ہے جو وفاقی حکومت سندھ دے دیہاتی تے شہری علاقیں دی ترقی تے توجہ ڈتے ہوئے ہے ، انفراسٹرکچر اتے سماجی شعبیں سمیت سندھ دے عوام سانگے کئی منصوبے شروع کیتے ہن ۔سارے فریقین وچال سانجھے اتفاق رائے ہے اساں کراچی اچ امن دے قیام سانگے قدم چاتا اللہ سئیں دے فضل نال امن دی صورت حال اچ چنگائی تھی ہے ۔انہاںاے گالھ گورنر سندھ محمد زبیر نال جمعے کوں وزیراعظم ہائوس اچ گالھ مہاڑ کریندے ہوئیں آکھی ۔ وزیراعظم آکھیا جو وفاقی حکومت پورٹ قاسم پاور پلانٹ، اینگرو تھر پاور پراجیکٹ، جھم پیر ونڈ پاور پراجیکٹ اتے تھر مائن مائوتھ اوریکل پراجیکٹ سمیت سندھ اچ مختلف توانائی منصوبیں تے کم کریندی پئی ہے کم کریندی پئی ہے ۔ انہاں یاد ڈوایا گزریل ہفتے انہاں سندھ دے عوام دی سہولت سانگے کراچی توں حیدر آباد موٹر وے دے پوراتھیونڑ آلے ایم نائن سیکشن دا افتتاح کیتا۔ گورنر سندھ اعتماد دا اظہار کرنڑ تے وزیراعظم دا شکریہ ادا کریندے ہوئیں آکھیا جو او سندھ دے عوام دے مفاد اچ اپنڑے فرائض پورے کریسن اتے وفاقی تے صوبائی حکومت وچال رابطے کوں مزید پکا کریسن ۔
