وزیراعظم محمد نواز شریف پی او ایف اچ براس مل دی اپ گریڈیشن دا افتتاح کرڈتا

براس مل جنوبی ایشیاءاچ اپنڑی نوعیت دی ساریں توں وڈی مل بنڑ گی،وزیراعظم دا جنرل قمر جاوید باجوہ دے نال رل تے مختلف حصیں دا دورہ
مل ملکی دفاعی ضرورتاں کوںاحسن انداز اچ پورا اتے اضافی مصنوعات برآمد وی کریندی پئی ہے، وزیر اعظم کو بریفنگ
واہ۔ 06 فروری (اے پی پی) وزیراعظم محمد نواز شریف سنوار کوں پاکستان آرڈننس فیکٹری اچ براس مل دی اپ گریڈیشن دا افتتاح کرڈتا۔ اپ گریڈیشن دے بعد پی او ایف دی براس مل جنوبی ایشیاءاچ اپنڑی نوعیت دی ساریں توں وڈی مل بنڑ گی ہے ۔وزیراعظم چیف آف آرمی سٹاف جنرل قمر جاوید باجوہ دے نال واہ براس مل دے مختلف حصیں دا دورہ کیتا۔براس مل دی پیداواری استعداد ہنڑ 8ہزار میٹرک ٹن توں ودھ تے 24ہزار میٹرک ٹن تھی گی ہے۔ایںموقع تے وزیراعظم کوں مل بارے اچ بریفننگ ڈتی گی جیرھا جو 1954ءاچ قائم کیتی ہئی ۔ وزیراعظم کوں ڈسیا گیا جو اے مل ملک دی دفاعی ضروریات احسن انداز اچ پوریاں کریندی پئی ہے تے اضافی مصنوعات برآمد وی کریندی پئی ہے انہاں کوں ڈسایا گیا جو جدید ترین مل دے امور کاردی نگرانی باصلاحیت پروفیشنلز دی ٹیم کریندی پئی ہے۔وزیر داخلہ چوہدری نثار علی خان اتے وزیر دفاعی پیداوار رانا تنویر حسین وی وزیراعظم دے نال ہن۔