اسلام آباد ۔ 17 فروری (اے پی پی) وزیر اعظم دے مشیر برائے خارجہ امور سرتاج عزیز آکھیا جو جماعت الحرارافغانستان اچ آپنڑی محفوظ پناہ گاہواں نال پاکستان اچ دہشت گردی اتے وحشیانہ سرگرمیاں اچ ملوث اے،پاکستان دی حکومت ولوں ولا ولا تحفظات اتے جماعت الحرار دے مشتبہ دہشت گرداں دی فہرست افغانستان حکومت کوں ڈیونڑ دے باوجود افغانستان دہشت گرد گروپاں دے خلاف کوئی کاروائی کائنی کیتی،سرحد دے ڈوہیں پاسوں دہشت گرد عناصر دی نقل و حرکت روکنڑ دی غرض نال موثر بارڈر منیجمنٹ دی لوڑھ اے۔ترجمان دفتر خارجہ دے مطابق اے گالھیں انہاں خمیس کوں افغان قومی سلامتی دے مشیر حنیف اتمارنال ٹیلیفو ن تے گالھ مہاڑ کریندیں ہوئیں آکھی۔انہاں آکھیا جو دہشت گردی ڈوہاں ملکاں سانگے سانجھا خطرہ اے اتے ایں تے قابو پاونڑ سانگے قریبی تعاون دی لوڑھ اے۔
