وزیر اعظم محمد نواز شریف دی ڈی آئی جی ٹریفک سید احمد مبین شہید دے گھر آمد، اہلخانہ نا ل تعزیت

لاہور۔14 فروری(اے پی پی )وزیر اعظم محمد نواز شریف منگل دے ڈے ڈینھ مال روڈ چیئرنگ کراس تے خود کش حملہ اچ شہید تھیونڑ آلے ڈی آئی جی ٹریفک سید احمد مبین دے گھر واقع آر اے بازار لاہور کینٹ گئے جتھاں انہاں شہید دی والدہ،بہنوئی میجر(ر)ڈاکٹر ایم قسیم وقار،انہاں دی ذال اتے دھی نال تعزیت کیتی۔ایں موقع تے وزیر اعلی پنجاب محمد شہباز شریف،وفاقی وزیر داخلہ چوہدری نثار علی خاں ،وزیر دفاع خواجہ محمد آصف،وزیر اعظم دے مشیر برائے قومی سلامتی ناصر جنجوعہ ،آئی جی پنجاب مشتاق سکھیرا،کمشنر لاہور ڈویژن عبداللہ سنبل ،ڈپٹی کمشنر لاہور سمیر احمد سید، سی سی پی او لاہور امین وینس سمیت بئے اعلیٰ حکام موجود ہن ۔وزیراعظم محمد نواز شریف،شہید دے ٹبر نال افسوس کریندیں ہوئیں دعا کیتی جو اللہ سئیں مرحوم دے درجات بلند کرے اتے انہاں دے ٹبر کوں اے صدمہ سہنڑ دی توقیق ڈیوے۔