وزیر داخلہ چوہدری نثار علی خان دا کوئٹہ بم ڈسپوزل سکواڈدے شہید تھیونڑ آلے اہلکار عبدالرزاق سانگے میڈل ‘خاندان سانگے مالی معاونت دا اعلان

اسلام آباد ۔ 21 فروری (اے پی پی) وزیر داخلہ چوہدری نثار علی خان گزریل ڈینھ کوئٹہ بم ڈسپوزل سکواڈ دے شہید تھیونڑ آلے اہلکار عبدالرزاق سانگے میڈل اتے انہاں دے خاندان سانگے مالی معاونت دا اعلان کیتا ہے۔ منگل کوں جاری بیان دے مطابق وزیر داخلہ شہید اہلکار کوں خراج عقیدت پیش کریندے ہوئیں آکھیا ہے جو پولیس دے ایہوجے سپوت پورے پاکستان دی پولیس اہلکاراں سانگے فخر دی گالھ ہے۔ انہاں آکھیا جو کوئی میڈل یا مالی مراعات کہیں دی زندگی دا نعم البدل نی تھی سگدیاں مگر مملکت پاکستان تے لازم ہے جو او ایجھے بہادر نینگراں دی قربانی دا اعتراف کرے۔