اسلام آباد ۔ 19 فروری (اے پی پی) وزیر دفاع خواجہ محمد آصف آکھے جو مغرب دی انج پنج راہونڑ دیاں پالیسیاں دہشت گردی دے خلاف جنگ اچ مدد کائناں ڈیسن، جڈانجو ایندے نال صرف دہشت گردی اچ ودھارا تھیسی ۔ ریڈیو پاکستان دے مطابق ”میونخ سکیورٹی کانفرنس 2017 “ اچ انتہاپسندی اتے دہشت گردی نال نبڑنڑ بارے ہک پینل مباحثے اچ حصہ گھندے ہوئیں انہاں آکھیا جو دہشت گردی دے 90 فیصد متاثرین مسلمان ہن ۔ خواجہ آصف آکھیا جو پاکستان دہشت گردی دے مکمل خاتمے سانگے ساری دنیا دا سانجھے دار ہے ۔ انہاں آکھیا جو دہشت گردی دا کہیں مذہب نال کئی تعلق کائنی دہشت گردناں تاں مسلمان ہن اتے نہ ہی مسیحی جڈانجو صرف جرائم پیشہ لوک ہن ۔ انہاں آکھیا جو پاکستان دہشت گردی دے خلاف اقدامات کریندا پئے ۔ کانفرنس اچ جرمنی دے وزیر خارجہ امریکہ دے داخلہ سلامتی دے وزیر، نائیجیریا دے قومی سلامتی دے مشیر تے یورپی یونین دے کمشنر برائے سلامتی شرکت کیتی ۔
