وزیر مملکت اطلاعات’نشریات تے قومی ورثہ مریم اورنگزیب دی سعودی سفیر عبداللہ مرزوق الزہرانی نال ملاقات اچ گالھ مہاڑ

اسلام آباد ۔ 28 فروری (اے پی پی)وزیر مملکت اطلاعات’نشریات تے قومی ورثہ مریم اورنگزیب نال سعودی سفیر عبداللہ مرزوق الزہرانی نال ملاقات کیتی جئیں اچ آپسی دلچسپی دے معاملیاں تے گالھ مہاڑ کیتی گئی۔وزیر مملکت مریم اورنگزیب ایں موقع تے آکھیا جو پاکستان دے سعودی عرب نال نیڑے دے تعلقات ہن ،ڈوہیں ملک عالمی امن،ہم آہنگی سانگے وی ہک ڈوجھے نال تعاون کریندے پئن ،وزارت اطلاعات تے ثقافت’ محبت، امن اتے ہم آہنگی دے عالمی اقدار کوں ودھا کراہیں تہذیباں کوں نیڑے گھن آونڑ اچ اہم کردار نبھیندی اے۔انہاں آکھیا جو حرمین شریفین پاروں پاکستان اتے سعودی عرب دا محبت اتے مذہبی عقیدت دا رشتہ اے۔