وزیر مملکت نیشنل ہیلتھ سروسز ، ریگولیشنز اینڈ کو آرڈینیشن سائرہ افضل تارڑدا اجلاس توں خطاب

حفاظتی ٹیکیںدا قومی پروگرام ماء تے بال دی صحت دی حفاظت سانگے کلیدی کردار ادا کریندا پیا ہے ، وزارت قومی صحت پروگرام سانگے وسائل دی فراہمی کوں یقینی بنڑیسی
اسلام آباد ۔ 08 فروری (اے پی پی) وزیر مملکت نیشنل ہیلتھ سروسز ، ریگولیشنز اینڈ کو آرڈینیشن سائرہ افضل تارڑآکھیا ہے جو حفاظتی ٹیکیں دا قومی پروگرام ماے تے بال دی صحت دی حفاظت سانگے کلیدی کردار ادا کریندا پیا ہے تے وزارت قومی صحت ایں پروگرام سانگے وسائل دی فراہمی کوں یقینی بنڑاونڑ سانگے کوئی کسر نہ چا رکھیسی ۔ حفاظتی ٹیکیں دے پروگرام دے سالانہ جائزہ اجلاس دی صدارت کریندے ہوئیں انہاں آکھیا جو پروگرام دی کارکردگی دا تفصیل نال جائزہ گھننڑ ضروری ہے تاں جو ایندی کا کر دگی کوں چنگاں بنڑا تے ایندی رسائل پاکستان دے ہر بال اتے حاملہ ماواں تئیں یقینی بنڑائی ونجے ۔انہاں ایں امر تے اطمینان دا اظہار کیتا جو ملک اچ حفاظتی ٹیکیں دی رسائی اچ خاطر خواہ چنگائی تھی ہے جیں دا اعتراف بین الاقوامی اداریں کیتا ہے ۔انہاں آکھیا جو قومی تے صوبائی سطح تے ایں پروگرام سانگے وسائل دی بلا تعطل فراہمی سانگے نیشنل ایمونا ئزیشن سپورٹ پروگرام جاری کیتا ہے ۔ایں پروگرام دے تحت صوبیں اپنڑے پی سی ون تشکیل ڈتے ہن جیرھا جو ہک اطمینان بخش امر ہے ۔انہاں ایں گالھ تے زور ڈتا جومطلوبہ نتائج دے حصول سانگے ای پی آئی تے پولیو پروگرام کوں رل تے کم کرنڑاں ہوسی ۔وزیر قومی صحت حفاظتی ٹیکیں دے پروگرام دے حوالے نال صوبائی حکومتاں تے زور ڈتا ہے جو او عوام سانگے آگاہی دا اجرا کرن ۔ انہاں بین الاقوامی اداریں بشمول گائوی ، یو ایس ایڈ، بی ایم جی ایف، جائیکا، ورلڈ بنک، یونیسف اتے ڈبلیو ایچ او دا ایں پروگرام دی مسلسل معاونت تے شکریہ اداکیتا۔