وفاقی وزیر احسن اقبال دی امریکی سٹیٹ ڈیپارٹمنٹ اتے یو ایس ایڈ دے اعلی حکام نال ملاقات ، پاکستان امریکہ نالج کو ریڈور اچ پیش رفت داجائزہ گھدا گئیا

اسلام آباد ۔ 03 فروری (اے پی پی)وفاقی وزیر برائے منصوبہ بندی تے ترقی احسن اقبال ‘ امریکہ میں سٹیٹ ڈیپارٹمنٹ اتے یو ایس ایڈ دے اعلیٰ حکام نال ملاقات کیتی۔ایں موقع تے امریکہ اچ پاکستان دے سفیر جلیل عباس جیلانی وی موجود ہن ۔ایں ملاقات اچ پاکستان امریکہ نالج کوریڈور اچ پیش رفت دا جائزہ گھدا گئیا جئیں دے تحت ڈاہ ہزار پاکستانیاں کوں مختلف شعبیاں اچ معروف امریکی یونیورسٹیاں توں پی ایچ ڈی دی تعلیم ڈتی ویسی۔پاک چین اقتصادی راہداری تے گالھ کریندیں ہوئیں انہاں آکھیا جو ایں منصوبے نال پاکستان اچ باہرلی سرمایہ کاری ودھدی پئی اے ۔احسن اقبال آکھیا جو حکومت پاکستان چنگی ہیومن ریسورس پیدا کرنڑ سانگے پرعزم اے اتے ایں شعبے اچ وڈے پیمانے تے سرمایہ کاری کیتی ویندی پئی اے۔