وفاقی وزیر ریلوے خواجہ سعد رفیق دی میڈیا نال گالھ مہاڑ

اسلام آباد۔ 23 فروری (اے پی پی) مسلم لیگ (ن) دے رہنما اتے وزیر ریلوے خواجہ سعد رفیق آکھیا ہے جو عمران خان دے سیاست اچ آونڑ دے بعد الزامات کوڑے بہتان دا ہک نواں دور شروع تھیا ،عمران خان دباﺅ پاتے کوڑ بول تے مرضی دے فیصلے گھننڑ دے عادی ہن ،نواز شریف تے شہباز شریف کہیں وی قنون اتے میرٹ توں ہٹ تے کوئی کم نی کیتا ۔سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو پاناما کیس دا فیصلہ پرے دی گالھ کائنی ،پٹیشن اے کیس عدالت دی بجائے میڈیا تے لڑیا ہے ۔