وزیراعظم دے گرین پاکستان پروگرام تے چنگے طریقے نال عملدرآمد جاری ہے، پاکستان سپورٹس بورڈدے اہتمام نال ایمز ایجوکیشن سسٹم دے تعاون نال شجرکاری مہم دا آغاز کیتا گیا ہے
اسلام آباد ۔ 24 فروری (اے پی پی) وفاقی وزیر کھیڈ تے بین الصوبائی رابطہ ریاض حسین پیرزادہ آکھیا ہے جو وزیراعظم دے گرین پاکستان پروگرام تے چنگے طریقے نال عملدرآمد جاری ہے، پاکستان سپورٹس بورڈدے اہتمام نال ایمز ایجوکیشن سسٹم دے تعاون نال شجرکاری مہم دا آغاز کیتا گیا ہے۔جمعے کوں سپورٹس کمپلیکس اسلام آباد اچ شجر کاری مہم دے افتتاح دے موقع تے انہاں آکھیا جو مہم دے دوران سپورٹس کمپلیکس دے احاطے اچ موسم بہار دے دوران 10ہزار بوٹے لاتے ویسن تے 10ہزار بوٹے ستمبر تے شروع اچ موسم برسات اچ لاتے ویسن ۔وفاقی وزیرآکھیا جو اساں معیاری بوٹیں دی افزائش سانگے پاکستان زرعی تحقیقاتی کونسل اتے زرعی یونیورسٹی دے ماہرین دیاں خذمتاں گھدیاں ہن ۔
