پاکستان اتے ترکی وچال اعلیٰ سطحی تزویراتی تعاون کونسل دا پنجواں اجلاس وزیراعظم محمد نواز شریف ‘ ترک ہم منصب بن علی یلدرم دے رلے اجلاس دی سانجھی صدارت کیتی

انقرہ ۔ 23 فروری (اے پی پی)پاکستان اتے ترکی وچال اعلیٰ سطحی تزویراتی تعاون کونسل دا پنجواں اجلاس اتھاں تھیا جئیں اچ تجارت، توانائی، معیشت، تعلیم، مواصلات اتے ثقافت تے سیاحت سمیت 6 شعبیاں اچ تعاون بارے گالھ مہاڑ کیتی گئی ۔وزیراعظم محمد نواز شریف ‘ ترک ہم منصب بن علی یلدرم دے رلے اجلاس دی سانجھی صدارت کیتی۔وفاقی وزیر پٹرولیم و قدرتی وسائل شاہد خاقان عباسی، وفاقی وزیر تجارت انجینئر خرم دستگیر، وزیراعظم دے خصوصی معاون برائے خارجہ امور طارق فاطمی اتے سینئر اعلیٰ حکام وی آپنڑے ہم منصباں دے رلے اجلاس اچ شریک تھیے۔ اعلیٰ سطحی تزویراتی تعاون کونسل اکتوبر 2009ء اچ ترکی دے وزیراعظم رجب طیب اردگان دے دورہ پاکستان وچال قائم کیتی گئی ہئی۔