بحرین دے وزیر خارجہ شاہ حمد بن عیسیٰ الخلیفہ ولوں وزیراعظم سانگے نیک تمناواں دا خصوصی پیغام پجایا
اسلام آباد ۔ 06 فروری (اے پی پی) وزیراعظم محمد نواز شریف پاکستان اتے بحرین وچال وسعت پذیر ڈوطرفہ تجارت دی اہمیت کوں نشابر کریندے ہوئیں آکھیا ہے جو پاکستان بحرین دے نال اپنڑے تعلقات کوں بہوں اہمیت ڈیندا ہے ۔انہاں اے گالھ سنوا ر کوں بحرین دے وزیر خارجہ شیخ خالد بن الخلیفہ نال وزیراعظم ہاﺅس اچ گالھ مہاڑ کریندے ہوئیں آکھی ،جیرھا جو شاہی خاندان دے ارکان سمیت اعلیٰ سطح دے حکومتی وفد دے نال پاکستان دے دورے تے ہن ۔بحرین دے وزیر خارجہ شاہ حمد بن عیسی الخلیفہ ولوں وزیراعظم سانگے نیک تمناواں دا خصوصی پیغام پجایا ۔انہاں وزیراعظم کوں ڈسایا جو پاک بحرین فروغ پذیر تعلقات دی بنا تے انہاں رابطے کوں مشترکہ وزارتی کمیشن دی صورت اچ اپ گریڈ کیتا گای ہے اتے سانجھے کمیشن دا پہلا اجلاس اسلام آباد اچ تھیندا پیا ہے ۔جیں اچ ڈوہیں ملک سفارتی ،اقتصادی سٹریٹجک اتے سفارتی تعلقات کوں ودھار ا ڈیونڑ سانگے جامع تبادلہ خیال کریسن ۔وزیراعظم سانجھے وزارتی اجلاس دے قیام دے اہم قدم دا خیر مقدم کریند ے ہوئیں آکھیا جو ایں امر دا غمازہ ہے جو پاکستان بحرین دے نال اپنڑے تعلقات کوں بہوں اہمیت ڈیندا ہے ۔
