اسلام آباد۔ 21 فروری (اے پی پی) پاکستان مسلم لیگ(ن) دے رہنما دانیال عزیز آکھیا جو اساں احتساب تے مناظرہ کرنڑ کوں تیار ہوں، خیبر پختونخوا اچ احتساب کمیشن قائم نہ کرنڑ آلے نیب اتے ایف بی آر تے الزام تراشی کریندے پے ہن ، وزیر اعظم محمد نواز شریف خود کوںعدالت دے سامنڑے احتساب سانگے پیش کیتا ہے ، عالمی اداریں دے جائزے اچ خیبر پختونخوا اچ تحریک انصاف حکومت دی ناقص کار کردگی ساریں دے سامنڑے ہے ۔ منگل کوں اتھاںپاناما کیس دی سنڑیج دے بعد میڈیا نال گالھ مہاڑ کریندے ہوئیں انہاں آکھیا جو ایف بی آر اتے نیب تے الزامات لاونڑ درست عمل کائنی او حکومت دے اشاریں تے کم کائنی کریندے ،نیب دے چیئر مین کوں حکومت نی بلکہ ججاں دا کمیشن تبدیل کریندا ہے ۔
