اسلام آباد ۔ 24 فروری (اے پی پی) سپیکر قومی اسمبلی سردار ایاز صادق آکھیا جو پاکستان پرتگال نال نیڑے دے تعلقات کوں بہوں اہمیت ڈیندے اتے اجوکے تعلقات کوں پارلیمانی اتے اقتصادی رابطیاں دے ودھارے نال بئیا مستحکم کرنڑ چاہندے۔اے گالھیں انہاں پاکستان اچ پرتگال دے سفارت خانہ دے ناظم الامور نال گالھ مہاڑ کریندیں ہوئیں آکھی جنہاں جمعہ کوں پارلیمنٹ ہائوس اچ سپیکر قومی اسمبلی نال ملاقات کیتی۔سردار ایاز صادق آکھیا جو ڈوہاں ملکاں دے اراکین ڈوہاں ملکاں دی قوم کوں نیڑے گھن آونڑ اچ اہم کردار نبھا سگدن۔
