پاک فضائیہ دے سربراہ ایئر چیف مارشل سہیل امان نال سینیگال فضائیہ دے سربراہ بریگیڈیئرجنرل بیریم ڈائیوپ دی ملاقات

اسلام آباد ۔ 09 فروری (اے پی پی) پاک فضائیہ دے سربراہ ایئر چیف مارشل سہیل امان نال سینیگال فضائیہ دے سربراہ بریگیڈیئرجنرل بیریم ڈائیوپ ملاقات کیتی جیندے اچ آپسی اتے پیشہ وارانہ دلچسپی دے امور اُتے تبادلہ خیال کیتاگیا ۔ ترجمان پاک فضائیہ دے مطابق خمیس کوں سینیگال فضائیہ دے سربراہ بریگیڈیئرجنرل بیریم ڈائیوپ ائیر ہیڈ کوارٹرز اسلام آباد دا دورہ کیتا ۔ایئر ہیڈ کوارٹرز اسلام آبادآمد اُتے پاک فضائیہ دے سربراہ ایئرچیف مارشل سہیل امان معزز مہمان دا استقبال کیتا۔ معززمہمان پاک فضائیہ دے سربراہ نال انہاںد ے دفتر اچ ملاقات کیتی اتے پیشہ وارانہ دلچسپی دے امور اُتے گالھ مہاڑ کیتی ۔ سینیگال دے ائیر چیف پاک فضائیہ دی پیشہ وارانہ مہارت دی تعریف اتے ڈوہائیں فضائی فوجاں وچال آپسی گانڈھے کوں ودھاونڑ دی خواہش دا اظہارکیتا۔ پاک فضائیہ دے سربراہ سینیگال فضائیہ کوں ہوابازی دی تربیت اچ ہر طرح دے تعاون دی پیشکش کیتی۔