چیئرمین سینیٹ میاں رضا ربانی دی لہور اچ پنجاب اسمبلی دے سامنڑیں بم دھماکے دی ودھ ساری مذمت

اسلام آباد ۔ 13 فروری (اے پی پی) چیئرمین سینیٹ سینیٹر میاں رضا ربانی لہور اچ پنجاب اسمبلی دے سامنڑیں بم دھماکے دی ودھ ساری مذمت کیتی ہے ۔ سنوار کوں ایوان بالا دے اجلاس اچ چیئرمین سینیٹ آکھیاجو میکو معلوم تھئے جو لہور اچ پنجاب اسمبلی دے سامنڑیں دھماتھئے ۔میں سینیٹ ولوں ایں واقعے دی سختی نال مذمت کرینداں ۔ ایں طرح دے بزدلانہ حملیاں نال جیکر دہشت گرد سمجھدے ہن جو او لوکیں دے حوصلے گھٹ کر ڈینس تاں او خام خیالی اچ ہن ۔ ایندے نال دہشت گردی دے خلاف جدوجہد کیتے اساڈا عزم بیا پکا تھیسی ۔