اسلام آباد ۔ 11 فروری (اے پی پی) چین پاکستان اقتصادی راہداری منصوبہ ملک اچ غیر ملکی سرمایہ کاری دے ودھارے اچ اہم کردار ادا کریسی ، اتے منصوبے دے تحت نہ صرف چینی سرمایہ کار سرمایہ کاری کریندے پئے ہن جڈانجو ساری دنیا دے ملکاں دے سرمایہ کار وی سی پیک دے تحت قائم کیتے ونجنڑآلے خصوصی اقتصادی زونز اچ سرمایہ کاری اُتے ودھ ساری دلچسپی دا مظاہرہ کریندے پئے ہن ۔ سرمایہ کاری بورڈ دے حکام آکھے جو مخصوص اقتصادی زونز اچ غیر ملکی اتے مقامی سرمایہ کاراں کیتے پرکشش مراعات ڈتیاں ویندیاں پن ۔ انہاں آکھیا جو ساری دنیا دیاں وڈیاں بین الاقوامی کمپنیاں پاکستان اچ آپنڑیں سرمایہ کاری اتے کاروبار اچ ودھارے دی منصوبہ بندی کریندیاں پن جیندے نال ملک دی اقتصادی ترقی دی شرح دے ودھارے اچ مدد ملسی ۔
