وزارت مذہبی امور توہین آمیز مواد روکنڑ کیتے وزارت داخلہ تے انفارمیشن ٹیکنالوجی دے نال رل تے حکمت عملی بنڑا گھدی ، امور سردار محمد یوسف

اسلام آباد ۔ 30 مارچ (اے پی پی) وزارت مذہبی امور سوشل میڈیا اُتے توہین آمیز مواد روکنڑبارے وزارت داخلہ اتے وزارت انفارمیشن ٹیکنالوجی دے نال رل تے حکمت عملی بنڑا گھدی ہے ۔ عوام توںدرخواست کیتی گئی ہے جو او توہین آمیز مواد آلیاں پیجز دی اطلاع وزارت ولوں بنڑائے گئے فیس بک اکاﺅنٹ اتے ای میل ایڈریس اُتے ڈیون ، جڈانجو وفاقی وزیر مذہبی امور سردار محمد یوسف دا آکھنڑ ہئی جو توہین آمیز مواد دا مقصد دنیا دے امن کوں تباہ کرنڑ ہے۔ ایں طرح دیاں سازشاں کرنڑ آلے ساری انسانیت دے دشمن ہن ۔ ایں مسئلے دے حل کیتے عالمی سطح اُتے قنون سازی تھیونڑ یں چاہیدی ہے ۔ وزارت مذہبی امور اچ 30 بندیاں اُتے مبنی سیل بنڑایا گئے جیہڑ ا جو توہین آمیز مواد روکنڑ کیتے آپنڑاں کردار ادا کریسی ۔ خمیس دے ڈینھ وزیر مملکت برائے مذہبی امور پیر امین الحسنات شاہ دے ہمراہ وزارت مذہبی امور اچ پریس کانفرنس نال خطاب کریندے ہوئیں انہاں آکھیا جو اساڈی خوش نصیبی ہے جواساں مسلمان ہئیں اتے محسن کائنات دی امت ہئیں ، اے اساں ساریاں کیتے سب توں وڈا انعام ہے ۔انہاں آکھیا جو سوشل میڈیا اُتے گستاخانہ مواد روکنڑ سانگے اسلامی ملکاں دے سفیراں چوہدری نثار علی خان دی دعوت اُتے کٹھے تھی تے فیصلہ کیتے جو ایں مسئلے کوں اقوام متحدہ اچ چاتا ویسی ۔ فیس بک دی ٹیم آندے مہینے پاکستان آندی پئی ہے ۔ وزیراعظم دے مشیر خارجہ عرب لیگ کوں ایں معاملے اچ خط وی لکھے ۔ ایں بارے وزارت مذہبی امور اچ گستاخانہ مواد کوں روکنڑ سانگے پہلے ہی توں ہک سیل کم کریندا پئے جیہڑا جو 30 افراد اُتے مشتمل ہے۔ وزارت مذہبی امور دی ذمہ داری بنڑدی ہے جو او توہین آمیز مواد روکنڑ دے حوالے نال آپنڑیاں کوششاں جاری رکھے ۔ وزارت مذہبی امور کوں فروری 2016ءتئیں 8 ہزار توں ودھ پیجزملے ہن جنہاں کوں پی ٹی اے کوں بھجوایا گئے۔ تقریباً 700 پیجز اچوں وزارت دی کوشش نال 565 پیجز بلاک کرڈتے گئے ہن ۔ انہاں آکھیا جو عوام وزارت مذہبی امور دے فیس بک اکاﺅنٹ mora.official اتے ای میل ایڈریس reportblasphemytomora@gmail.com تے وی اطلاع ڈے سگد ے ہن ۔