،صدر مملکت ممنون حسین دی عالمی مشاعرہ 2017ء دی انتظامی کمیٹی دے ممبراں نال ملاقات اچ گالھ مہاڑ

اسلام آباد ۔ 08 مارچ (اے پی پی) صدر مملکت ممنون حسین آکھیا جو ادیب اتے شاعر انتہا پسندی اتے دہشت گردی دے خاتمہ سانگے جوابی بیانیہ فراہم کرن،ادبی تقریبات اساڈی تہذیبی اقدار دا حصہ،قوماں دی تربیت دا اہم ذریعہ ہن۔انہاں اے گالھ عالمی مشاعرہ 2017ء دی انتظامی کمیٹی دے ممبراں نال ملاقات اچ گالھ مہاڑ کریندیں ہوئیں ااکھی جنہاں ایوان صدر اچ بدھ کوں انہاں نال ملاقات کیتی۔صدرمملکت آکھیا جو قائد اعظم اتے علامہ اقبال دے افکار کوں فنکارانہ انداز اچ قوم دے سامنڑے پیش کر تے رواداری اتے بدعنوانی جیہے مسئلیاں تے قابو پاتا ونج سگدے اتے ترقی اتے خوشحالی کوں یقینی بنڑایا ونج سگدے۔انہاں بئیا آکھیا جو ادیب اتے شاعر آپنڑی تخلیقات نال نویں نسل اچ وطن عزیز دی محبت دے جذبات کوں ودھا نڑ سانگے اہم کردار نبھا سگدن۔ایں موقع تے عالمی مشاعرہ دے ممبراں صدرمملکت کوں آپنڑے مسئلیاں بارے ڈسایا جئیں تے صدر مملکت متعلقہ ادارہ کوں انہاں دے مسئلے حل کرنڑ دی ہدایت جاری کیتی۔