اپریل تئیں بجلی دی ترسیل اچ حائل رکاوٹاں پرے کرنڑ سانگے کامیاب تھی ویسوں‘ بجلی دے بقایا جات جنہاںدے ذمے ہن او ادا کرن تاں اہاں دے میٹردی سہولت ڈے ڈتی ویسی
اسلام آباد ۔16 مارچ(اے پی پی) وزیر مملکت تے بجلی عابد شیر علی آکھیا جو موسم گرمیاں اچ اپریل توں بجلی دی ترسیل اچ رکاوٹاں پرے کرنڑ اچ کامیاب تھی ویسوں ،کے پی کے حکومت اگر اراضی ڈے ڈیندی تاں نویں گرڈ سٹیشن دی وجہ توںگھٹ لوڈ دا مسئلہ حل تھی ویندا بجلی دے بقایاجات جنہاں دے ذمے ہن او ادا کرن تاں انہاں کوں میٹر دی سہولت ڈے ڈتی ویسی ۔خمیس کوں قومی اسمبلی اچ سوالاں دے وقفے دے دوران وزیر مملکت ڈسایا جو ایں ویلھے ملک اچ قومی گرڈ اچ بجلی دی گنجائش 22ہزار 601میگاواٹ ہے ،2008توں 2016تئیں ہک لکھ ترائے ہزار 968میگاواٹ فی گھنٹہ رہی ۔انہاں ڈسایا جو بجلی چوری اچ ملوث لوکاںدے خلاف گرینڈ اپریشن کیتا گیا تے بنیادی ڈھانچے کوں تبدیل کیتا گای ۔انہاں آکھیا جو نویاں ٹرانسمیشن لائناں دی وجہ توں اساڈی استعداد کار ودھی ہے ،سارے ڈسکوز کوں اہداف ڈتے گے ہن ۔
