آرمی چیف جنرل قمر جاوید باجوہ نال دورے پریں دے علاقیاں دے کالجاں دے طلباء دی ملاقات

راولپنڈی ۔ 13 مارچ (اے پی پی) بری فوج دے سربراہ جنرل قمر جاوید باجوہ نال ملک دے دور پریں دے کالجاں دے 40 طلباء دے ہک گروپ سنوار کوں اتھاں جنرل ہیڈ کوارٹرز اچ ملاقات کیتی۔ طلباء چیف آف آرمی سٹاف یوتھ انکرجمنٹ پروگرام دے حصہ دے طور اعلیٰ مقاصد اتے اعلیٰ تعلیمی معیاردے ذریعے قومی یکجہتی اتے ترقی اچ حصہ گھنڑ کیتے بری فوج دے سربراہ نال ملاقات کیتی ۔ بری فوج دے سربراہ نینگراں کوں پاکستان دا انتہائی قیمتی اثاثہ قرار ڈتا اتے انہاں اُتے زور ڈتا جو او اعلیٰ مقاصد اتے معیاری تعلیم دے حصول دے نال نال قومی یکجہتی اتے ترقی اچ شامل تھیون۔ انہاں تعلیم تے قومی ترجیح کوں ایجنڈا قرار ڈیندے ہوئیں آکھیا جو اساں قومی مقصد دے حصول کیتے بھرپور مدد ڈیونڑ سانگے ہر ممکن کوشش کریسوں ۔