راولپنڈی ۔ 11 مارچ (اے پی پی) بری فوج دے سربراہ جنرل قمر جاوید باجوہ نال پشاور زلمی دی ٹیم چھنڑ چھنڑ کوں اتھاں جنرل ہیڈکوارٹرز اچ ملاقات کیتی۔ آرمی چیف ٹیم اتے ایندی انتظامیہ کوں انہاں دی کارکردگی اتے کامیابی اُتے مبارخ ڈتی ، اتے پاکستان اچ عالمی کرکٹ دی واپسی کیتے پی ایس ایل،ساریاں ٹیماں اتے منتظمین دیاں کوششاں دی تعریف کیتی ۔ فوج دے شعبہ تعلقات عامہ (آئی ایس پی آر) ولوں جاری بیان دے مطابق بری فوج دے سربراہ خصوصی طور تے پاکستان آونڑ آلے غیر ملکی کھڈاڑیاں اتے مہماناں دا ذکر کیتا اتے شکریہ ادا کیتا۔ چیف آف آرمی سٹاف آکھیا جو پاکستان ہک امن پسند ملک ہے۔ انہاں آکھیا جو کرکٹ پاکستان اچ ساریاں توں ودھ پسند کیتا ونجنرآلا کھیڈ ہے اتے ساری قوم کیتے اتحاد دا ذریعہ ہے۔ انہاں کھڈاڑیاں کوں ہدایت کیتی جو پاکستان دی نیک نامی اچ ودھارے کیتے آپنڑیاں کوششاں جاری رکھن ۔ کھڈاڑیاں آرمی چیف کوں یقین ڈیوایا جو او پاکستان دے سپاہی ہن اتے ملک اچ امن اتے قومی ہم آہنگی دے فروغ کیتے پاک فوج دے نال کھڑے ہن ۔
