اسلام آباد ۔ 18 مارچ (اے پی پی) محکمہ موسمیات دے مطابق آندے 24گھنٹیاں اچ ملک دے بہوں سارے علاقیاں اچ موسم رُکھا راہسی ، جڈانجو کوئٹہ، قلات، ژوب، مکران، ڈی جی خان، بہاولپور، مالاکنڈ، ہزارہ ڈویژن، فاٹا، گلگت بلتستان اتے کشمیر اچ کجھ جاہیں اُتے تیز ہوائیں اتے گرج چمک نال ہلکی بارش دا امکان ہے۔ رپورٹ دے مطابق گزریل 24 گھنٹیاں اچ وی ملک دے بہوں سارے علاقیاں اچ موسم رُکھا ریہا،جڈانجو کوئٹہ، مکران، ڈی جی خان، مالاکنڈ ڈویژن اتے گلگت بلتستان اچ ہک ڈو جاہیں اُتے گرج چمک نال ہلکی بارش تھی ۔ ساریاں توں ودھ بارش ڈی جی خان ،چلاس اتے کالام اچ ہک ملی میٹر ریکارڈ کیتی گئی۔چھنڑ چھنڑ کوں ساریاں توں ٹھڈیاں جاہیں اُتے ریکارڈ کیتے گئے درجہ حرارت دی رپورٹ دے مطابق کالام، استور ، مالم جبہ اچ درجہ حرارت منفی 02 ، گوپس اتے بگروٹ اچ صفر ڈگری سینٹی گریڈ ریکارڈ کیتا گیا۔
