اسلام آباد ۔ 26 مارچ (اے پی پی) محکمہ موسمیات دے مطابق آندے 24گھنٹیاں اچ ملک دے بہوں سارے علاقیاں اچ موسم رُکھا راہسی ، جڈانجو مالاکنڈ، کوئٹہ، ژوب ڈویژن اتے فاٹا اچ کجھ جاہیں اُتے گرج چمک دے نال ہلکی بارش دا امکان ہے جڈانجو صوبہ سندھ اتے جنوبی بلوچستان اچ موسم گرم راہسی ۔ رپورٹ دے مطابق گزریل 24 گھنٹیاں اچ وی ملک دے بہوں سارے علاقیاں اچ موسم رُکھا ریہا۔ اتوار کوں ریکارڈ کیتے گئے گھٹ توں گھٹ اتے ودھ توں ودھ حرارت دی رپورٹ دے مطابق کالام اتے استور اچ درجہ حرارت 02 ڈگری سینٹی گریڈ تئیں گھٹ تھی گیا، جڈانجو ساریاں توں ودھ درجہ حرارت شہیدبینظیرآباد اچ 42 ڈگری سینٹی گریڈ ریکارڈ کیتا گیا۔
