راولپنڈی ۔ 23 مارچ (اے پی پی) پاک فوج دے سربراہ جنرل قمر جاوید باجوہ 77 ویں یوم پاکستان اُتے مسلح افواج دی مشترکہ پریڈ اچ چین، سعودی عرب، ترکی دے دستیاں اتے ساﺅتھ افریقہ دے سی ڈی ایف دی شمولیت اُتے شکریہ ادا کیتا۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف آکھے جو پاکستان پرامن ملک ہے ۔ آرمی چیف پرامن پریڈ دے انتظامات اتے شرکاءدی کارکردگی دی تعریف کیتی ۔ آرمی چیف پاک فوج دے شہیداں اتے غازیاں دیاں قربانیاں دی تعریف کریندے ہوئیں آکھیا جو تساں لوک ہی ملک دے ہیروز ہن ۔ تہاڈیاں قربانیاں رائیگاں کائناں ویسن ۔ انہاں آکھیا جو اساں آپنڑیں پیارے وطن کوں فسادیاں اتے دشمناں توں پاک رکھنڑہے ۔
