اسلام آباد ۔ یکم مارچ (اے پی پی) محکمہ موسمیات آکھیا ہے جو اسلام آباد اتے راولپنڈی سمیت اتلے پنجاب، مالاکنڈ، ہزارہ ڈویژن اتے کشمیر اچ کہیں کہیں جاہ تے کھمنڑ نال مینھ وسنڑ دا امکان ہے،ملک دے بئے علاقیاں اچ موسم رکھا رہنڑدا امکان ہے ۔پی ٹی وی دے مطابق گزریل 24 گھنٹے دے دوران اسلام آباد اتے راولپنڈی سمیت گوجرانولہ،لاہور،سرگودھا،فیصل آباد، ملتان، ڈی جی خان مالاکنڈ، ہزارہ، پشاور،کوہاٹ، بنوں، ڈی آئی خان ، کوئٹہ ڈویژن فاٹا اتے کشمیر اچ کجھ جہیں تے مینھ دے بعد موسم ٹھڈا تھی گیا تاں جو ملک دے بئے علاقیاں اچ موسم رکھا رہیا ساریں توں ودھ مینھ نورپور تھل اچ17ملی میٹر ریکارڈ کیتا گیا جڈاں جو درجہ حرارت پارہ چنار اچ منفی 04 ڈگری سینٹی گریڈ ریکارڈ کیتا گیا۔محکمہ موسمیات دے مطابق آندے 24 گھنٹے دے دوران اسلام آباد اتے راولپنڈی سمیت چکوال ،گوجرانولہ،لاہور،مالاکنڈ،ہزارہ ڈویژن اتے کشمیر اچ کہیں کہیں جاہ تے گلگت بلتستان اتے فاٹا اچ کجھ جہیں تے کھمنڑ نال مینھ وسنڑدا امکان ہے جڈاں جو ملک دے بئے علاقیں اچ موسم پہلے وانگوں رکھا رہسی۔
