اسلام آباد ۔ 02 مارچ (اے پی پی) وفاقی وزےر منصوبہ بندی و ترقی احسن اقبال اسلام آباد اچ اقتصادی تعاون تنظیم دے سربراہ اجلاس کوں سارے ملکاں دے نال کامیاب سفارتی تعلقات دی بہترین مثال قرار ڈتا ہے۔ خمیس کوں ذرائع ابلاغ نال گالھ مہاڑ کریندے ہوئیں انہاں آکھیا جو چین پاکستان اقتصادی راہداری منصوبے اتے گوادر پورٹ نال پاکستان وسطی اتے جنوبی ایشیائی ملکاں دے مغربی ملکاں دے نال وی تجارتی اتے کاروباری رابطے دے ودھارے سانگے اہم ملک بنڑ ویسی۔ وفاقی وزیر آکھیا جواسلام آباد اچ اقتصادی تعاون تنظیم دے سربراہ اجلاس دے کامیاب انعقاد نال ثابت تھی گیا ہے جو پاکستان عالمی برادری اچ کلہا کائنی بلکہ او ترقی پذیر ملکاں دے نال کم کریندا پیاہے ۔ انہاںآکھیا جو خطے اچ امن، ترقی اتے خوشحالی دے ودھارے سانگے پاکستان کلیدی کردار ادا کرنڑ دی صلاحیت رکھیندا ہے۔ انہاں آکھیا جو وقت دا تقاضا ہے جو پاکستان اتے اقتصادی تعاون تنظیم دے رکن ملکاں خطے ا چ سانجھے رابطے دے ودھارے سانگے ترقی تے خوشحالی سانگے رل تے کم کرن۔
