لورالائی۔25مارچ(اے پی پی)وفاقی وزیر داخلہ چوہدری نثار علی خان آکھے جو پاک چین اقتصادی راہداری منصوبے نال نہ صرف بلوچستان جڈانجو پاکستان سمیت سارے خطے دی تقدیر تبدیل تھی ویسی ، سی پیک دی ناکامی کیتے دشمن طاقتاں مختلف طرح دیاں سازشاںاچ مصروف ہن ، مسلح افواج انہاں سازشاں کوں ناکام بنڑاونڑ کیتے کوشاں ہن ، بلوچستان اچ امن وامان دے قیام سانگے فرنٹیئرکور بلوچستان ،پولیس اتے افواج پاکستان دا کردار مثالی ہے ،ایف سی بلوچستان اچ نویں شامل تھیونڑآلے جواناں دے مونڈھے اُتے صوبے دی ترقی دے مخالف دہشت گرداں کوں مکاونڑ دی باری ذمہ داری آندی ہے ۔ اے گالہیں انہاں چھنڑ چھنڑ کوں لورالائی اچ فرنٹیئرکوربلوچستان دی 60ویں پاسنگ آﺅٹ پریڈ دی تقریب نال خطاب کریندے ہوئیں آکھیاں۔ تقریب اچ صوبائی وزیراں ڈاکٹر حامد خان اچکزئی،میرسرفراز بگٹی ،عبید اللہ بابت ،رحمت صالح بلو چ،در محمدناصر ،آئی جی ایف سی بلوچستان میجر جنرل ندیم انجم ،آئی جی پولیس بلوچستان احسن محبوب سمیت بئے حکام شریک ہن ۔ وفاقی وزیرداخلہ چوہدری نثار علی خان خطاب کریندے ہوئیں آکھیا جو کجھ عناصر آپنڑیں ذاتی مفادات اتے باہردے گودیاں کوں خوش کرنڑ سانگے صوبے اچ امن وامان خراب کرنڑاں چاہیندے ہن ۔ اے عناصر باہرلے ملک سُکھ دی زندگی گزریندے پئے ہن اتے بلوچستان اچ آپنڑیں کارندیاں دے ذریعے امن وامان دا مسئلہ پیدا کریندے پئے ہن ۔ انہاں آکھیا جو بلوچستان دے عوام محب وطن ہن اتے او انہاں سازشی عناصر دے ہتھ اچ کائناں امسن، بلوچستان اچ امن وامان دے قیام کیتے فرنٹیئرکور بلوچستان اہم کردار ادا کیتے ۔ جیندے اُتے میں انہاں کوں خراج تحسین پیش کرینداں۔ وفاقی وزیر آکھیا جو بلوچستان دا مستقبل روشن ہے اے خطہ بہت تکھے ترقی کریسی ، ساری دنیا دی دید بلوچستان دی ترقی اُتے لگی ہوئی ہے ،وفاقی حکومت بلوچستان اچ تعلیم صحت اتے زندگی دے بئے شعبیاںاچ بھر پور مدد کریندی پئی ہے تانجو بلوچستان ترقی دی راہ اُتے ٹر سگے ۔ ایں توں پہلے فرنٹیئرکور بلوچستان دی 60ویں پاسنگ آﺅٹ پریڈ اچ 5434 جواناں تربیت حاصل کیتی جنہاں اچوں 1089دا تعلق بلوچستان توں ہے ۔
