اسلام آباد ۔ 21 مارچ (اے پی پی) الیکشن کمیشن کو ںچار اراکین صوبائی اسمبلیاں ولوں گوشواریں دی تفصیلات ہنڑ تئیں موصول کائنی تھیاں انہاں دی رکنیت حالی تئیں معطل ہے ۔ الیکشن کمیشن دے ذرائع دے مطابق پنجاب اسمبلی توں سابق صدر پاکستان سردار محمد فاروق خان لغاری دے فرزند سردار محمد جمال خان لغاری جو پی پی 245 توں ممبر صوبائی اسمبلی ہن، انہاں حالی تئیں اپنڑے اپنڑے زیر کفالت لوکاں دے اثاثہ جات دے گوشوارے جمع نی کرائے جیں دی وجہ توں انہاں دی رکنیت معطل ہے ۔ایندے علاوہ سندھ اسمبلی دے حلقے پی ایس 105توں رکن خالد بن ولایت اتے پی ایس 111توں محمد کامران جڈاں جو تریمتاں دیاں مخصوص نشستاں تے ممبر بلقیس مختار دی رکنیت وی گوشوارے جمع نہ کراونڑ دی وجہ توں حالی تئیں معطل ہے ۔
