اسلام آباد ۔ 21 مارچ (اے پی پی) وزیراعظم محمد نواز شریف نال برطانوی وزیر داخلہ امبر رڈ منگل کوں اتھاں وزیراعظم ہاﺅس اچ ملاقات کیتی وزیراعظم محمد نواز شریف برطانوی سیکرٹری داخلہ دا خیرمقدم کریندے ہوئیں برطانوی وزیراعظم تھریسا مے نال ستمبر 2016اچ اقوام متحدہ دی جنرل اسمبلی دے اجلاس دے موقع تے نیویارک اچ تھیونڑ آلی اپنڑی تعمیراتی ملاقات داذکر کیتا ۔ انہاں آکھیا جو پاکستان اتے برطانیہ دے تعلقات سانجھی تاریخ اتے عوام وچال پکے رابطے دی بنیاد تے استوار ہن تے پاکستان تے برطانیہ وچال مابین تجارت، سرمایہ کاری، امن و سلامتی اتے ترقی سانگے تعاون دے سلسلے اچ نیڑے دا اشتراک ہے ۔انہاں آکھیا جو ودھ ادارہ جاتی تعاون نال پاکستان تے برطانیہ دے تعلقات دی مضبوطی دی عکاسی تھیندی ہے ۔انہاں آکھیا جو وڈی تعداد اچ برطانیہ اچ رہنڑ آلے پاکستانی پاکستان تے برطانیہ وچال تعلقات کوں مزید ودھاونڑ چاہندے ہن ۔وزیراعظم آکھیا جوپاکستان 20کروڑ لوکاں دی مستحکم مارکیٹ ہے جتھاں متوسط طبقہ ابھردا پیا ہے تے برطانیہ دے کاروباری لوک سرمایہ کاراں سانگے پاکستان اچ ودھ سارے موقع موجود ہن ۔انہاں آکھیا جو پاکستان اچ برطانیہ دے ادارہ بین الاقوامی ترقی (ڈی ایف آئی ڈی) دے کم کوںچنگاں قرار ڈیندا ہے۔ برطانوی سیکریٹری داخلہ امبر رڈ شاندار خیرمقدم تے وزیراعظم دا شکریہ ادا کیتا تے آکھیا جو علاقائی امن سانگے کیتیاں ونجنڑ آلیاں کوششاں دے سلسلے اچ برطانیہ اپنڑاں ہر ممکن تعاون کریسی ۔
