اسلام آباد ۔ 09 مارچ(اے پی پی) دفتر خارجہ آکھیا جو پاکستان اتے افغانستان رل تے دہشت گردی تے قابو پا سگدن ،سرحدی انتظام تے انصرام ڈوہاں ملکاں دے فائدے اچ اے،پاکستان قومی سلامتی سانگے گھٹ توں گھٹ دفاعی صلاحیت برقراررکھسیی، 13ویں اقتصادی تعاون تنظیم سربراہ اجلاس وچال کشمیر دا معاملہ بھرپور انداز اچ چاتا گئیا،پاک افغان سرحد بند کرنڑ دا فیصلہ ملکی سلامتی سانگے کیتا گئیا۔خمیس کوں دفتر خارجہ دے ترجمان نفیس ذکریا ہفتہ وار پریس بریفنگ وچال صحافیاں دے مختلف سوالاں دا جواب ڈیندیں ہوئیں آکھیا جو بھارت دنیااچ اسلحہ گھنڑ آلا ساریاں توں وڈا ملک بنڑ گئے جڈانجو پاکستان خطے اچ طاقت توان اتے گھٹ توں گھٹ صلاحیت برقراررکھیسی۔ترجمان آکھیا جو بحرہند اچ بھارت دی ایٹمی سرگرمیاں خطے اتے عالمی سطح تے باعث تشویش ہن اتے عالمی ادارہ نیو کیلئر سپلائرز گروپ دی رکنیت ڈیونڑ ویلھے بھارت دی غیر معمولی ایٹمی اتے دفاعی سرگرمیاں کوں ڈیکھن۔پاک افغان سرحد دی بندش بارے سوال دا جواب ڈیندیں ہوئیں ترجمان آکھیا جو پاکستان کوں افغانستان نال سرحد بند کرنڑ تے مجبور کیتا گئیا۔لاہور،مہمند ایجنسی اتے چارسدہ اچ کیتے گئے دہشت گرد حملیاں دی ذمہ واری جماعت الحرار اتے تحریک طالبان قبول کیتی ہئی جئیں دی افغانستان اچ محفوظ پناہواگواہ ہن ،پاکستان ملکی سکیورٹی کوں ڈیکھدیں ہوئیں افغان سرحد کوں بند کیتا کیونجو ملکی سکیورٹی اساڈے سانگے مقدم اے۔
