وزیراعظم نواز شریف دی قیادت اچ حکومت پاکستان کوںڈیجیٹل اتے معاشی طور تے خود کفیل ملک بنڑاونڑ چاہندی ہے ،ڈیجیٹل پاکستان ویلھے دی اہم ضرورت ہے ،
اسلام آباد ۔ 21 مارچ (اے پی پی) وزیر خزانہ سینیٹر محمد اسحاق ڈار آکھیا ہے جو وزیراعظم نواز شریف دی قیادت اچ حکومت پاکستان کوںڈیجیٹل اتے معاشی طور تے خود کفیل ملک بنڑاونڑ چاہندی ہے ،ڈیجیٹل پاکستان ویلھے دی اہم ضرورت ہے ،سافٹ ویئر پارک دے قیام نال انفامیشن ٹیکنالوجی دے شعبے کوں ترقی ڈیونڑ اچ مدد مل ویسی۔منگل کوںاسلام آباد اچ انفارمیشن ٹیکنالوجی پارک دے قیام دے حوالے نال کوریا دے ایکسپورٹ امورٹ بینک ایگزم اتے حکومت پاکستان وچال قرضے د ی فراہمی دے معاہدے تے دستخط کرنڑ دی تقریب دے موقع تے ذرائع ابلاغ نال گالھ مہاڑ کریندے ہوئیں انہاں آکھیا جو سافٹ ویئر پارک دے قیام نال انفامیشن ٹیکنالوجی دے شعبے کوں مدد مل ویسی ۔انہاں آکھیا جو مسلم لیگ ن دی حکومت اپنڑے گزریل دور حکومت اچ عوامی سہولتاں دے حوالے نال عوامی مرکز قائم کیتے ہن جڈاں جو ٹیکنالوجی دے شعبے اچ ترقی سانگے اقدامات کیتے ہن ۔انہاں آکھیا جو کوریا پاکستان د ا دوست ملک ہے جیرھا جو وفاقی دارالحکومت اچ انفارمیشن ٹیکنالوجی پارک سانگے 76ملین ڈالر دا قرضہ ڈیسی ، منصوبے تے مجموعی لاگت دا تخمینہ 88ملین ڈالر دے نیڑے ہے انہاں آکھیا جو پارک دے قیام دا مقصد انفارمیشن ٹیکنالوجی دے شعبے دا فروغ ہے کیونکہ ڈیجیٹل پاکستان ویلھے دی اہم ضرور ت ہے
