اسلام آباد ۔ 24 مارچ (اے پی پی) پاکستان اچ سعودی عرب دے سفیر علی عبداﷲ مرذوق الزاہرانی ‘ جمعہ کوں وفاقی وزیر مذہبی امور سردار محمد یوسف نال الوداعی ملاقات کیتی جئیں اچ ڈو پاسہ تعلقات سمیت آپسی دلچسپی دے معاملیاں تے گالھ مہاڑ کیتی گئی۔ایں موقع تے وفاقی وزیر مذہبی امور سردار محمد یوسف نے سبکدوش تھیونڑ آلے سفیر نال گالھ مہاڑ کریندیں ہوئیں آکھیا جو آپنڑے ترائے سال دے قیام وچال انہاں ڈوہاں ملکاں کوں نیڑے گھن آونڑ اچ اہم کردار نبھائے ۔انہاں سعودی عرب دے سفیر دی خدمات کوں خراج تحسین پیش کریندیں ہوئیں انہاں دی ذمہ واریاں بارے نیک خواہشات دا اظہار کیتا۔سعودی سفیر سردار محمد یوسف ولوں خیر سگالی دے جذبات تے شکریہ ادا کیتا۔
