اسلام آباد ۔ 28 مارچ (اے پی پی)صدر مملکت ممنون حسین آکھیا جو وطن عزیز دے چنگے مستقبل اتے نویں نسل دی تعلیم تے تربیت سانگے ہکو جیہے موقع ڈیونڑ ضروری ہن تانجو بالاں اچ کہیں قسم دا کوئی احساس محرومی پیدا نہ تھیوے اتے او ترقی اتے خوشحالی سانگے آپنڑی جائز خواہشات دے مطابق کر سگن۔انہاں اے گالھ منگل کوں علامہ اقبال اوپن یونیورسٹی اچ وفاقی وزات تعلیم و پیشہ ورانہ تربیت دے بالاں بارے ابتدائی نگہداشت اتے تعلیم دے موضوع تے پہلی قومی کانفرنس دے چھیکڑی اجلاس توں خطاب کریندیں ہوئیں آکھی۔ایں موقع تے وزیر مملکت برائے تعلیم انجینئرمحمد بلیغ الرحمان اتے بنہاں وی خطاب کیتا۔صدرمملکت آکھیا جو جیڑھی قوماں آپنڑے حال اچوں کجھ ویلھا کڈھ کراہیں مستقبل بارے غور فکر شروع کر ڈیون،انہاں دی ترقی اتے خوشحالی دا رستہ کوئی نی روک سگدا،اے کانفرنس ایں بارے دی کڑی اے۔
