اسلام آباد ۔ 17 مارچ (اے پی پی) صدر مملکت ممنون حسین آکھیا جو عوام کوں سوکھا علاج اتے سستی دوائیں ڈیونڑ ریاست اتے معاشرے دا بنیادی فرض اے،ایں بارے معالجاں،دوا ساز اتے ریگولیٹری اداریاں وچال قریبی تعاون اتے اہم معاملیاں تے اتفاق ضروری اے۔انہاں اے گالھ وفاقی محتسب دی دوائیں کمیٹی دے وفد نال گالھ مہاڑ کریندیں ہوئیں آکھی جئیں وفاقی محتسب محمد سلمان فاروقی دی قیادت اچ جمعہ کوں انہاں نال ملاقات کیتی۔ایں موقع تے صدر مملکت کوں رپورٹ وی پیش کیتی گئی۔ایں موقع تے کمیٹی دے سابقہ سرجن جنرل پاک فوج چیئرمین لیفٹینٹ جنرل (ر) محمود احمد اختروی موجود ہن ۔
