اسلام آباد ۔ 31 مارچ (اے پی پی) صدر مملکت ممنون حسین پارہ چناراچ دہشت گردی دے واقعے دی شدید مذمت کیتی ہے ۔ انہاں حادثے اچ جان بحق اتے زخمی تھیونڑآلے بے گناہ افراددے اہلِ خانہ نال تعزیت دا اظہار کیتے ۔ جمعے کوں ایوان صدر توں جاری ہک بیان دے مطابق صدر مملکت متاثرہ خانداناں نال اظہار ہمدرودی کریندے ہوئیں صوبائی حکومت اتے متعلقہ حکام کوں ہدایت کیتی ہے جو اولوکیں دے جان تے مال دی حفاظت کو یقینی بنڑاون۔ صدر مملکت ہدایت کیتی ہے جو زخمیاں دے علاج معالجے کیتے سارے وسائل استعمال اچ گھن آئے ونجن۔ انہاں آکھیا جو دہشت گردی دے واقعاں دہشت گردی دے خلاف قومی عزم کوں گھٹ کائنی کر سگے اتے ایں بارے مسلح افواج اتے قنون نافذ کرنڑآلے ادارے مقاصددے حصول تئیں کارروائی جاری رکھیسن۔
