اسلام آباد ۔ 22 مارچ (اے پی پی) صدر مملکت ممنون حسین آکھیا جو آغاخان دی متاثر کن اتے متحرک قیادت اچ آغا خان ڈویلپمنٹ نیٹ ورک (اے کے ڈی این)، آغا خان فائونڈیشن اتے آغا خان ہیلتھ سروسز ولوں پاکستان اچ مہیا کیتی ونجنڑ آلی سماجی تے اقتصادی خدمات لائق تحسین ہن ۔انہاں اے گالھ آغاخان کونسل دے پاکستان اچ صدر حافظ شیر علی نال گالھ مہاڑ کریندیں ہوئیں آکھی جنہاں بدھ کوں ایوان صدر اچ انہاں نال ملاقات کیتی اتے یوم پاکستان دے موقع تے آغا خان ولوں مبارکباد دا خط پیش کیتا۔صدرمملکت آکھیا جو پاکستان اتے خصوصی طور شمالی علاقیاں اچ اے کی ڈین این دی پوری مصروفیات نال ملک دے بنیادی ڈھانچے اتے عوان دی زندگیاں اچ نشابر فرق نظردا پئے ۔
