عوام دی لوڑ امن و امان اتے ترقی ہے محاذ آرائی اتے افراتفری کائنی ، سیاست دلیل اتے لوکیں دی خدمت نال کیتی ویندی ہے ، وزیر داخلہ چوہدری نثار علی خان

اسلام آباد ۔ یکم مارچ (اے پی پی) وزیر داخلہ چوہدری نثار علی خان آکھے جو پاکستان دے لوکاں دی لوڑ امن و امان اتے ترقی ہے، محاذ آرائی اتے افراتفری کائنی ، سیاست دلیل اتے لوکیں دی خدمت نال کیتی ویندی ہے ، مندے کڈہنڑ اتے افراتفری مچاونڑ نال کائنی تھیندی ۔ جماعتاں وٹاونڑ آلے چنگے سیاسی اتے جمہوری اصولیاں کیتے زہر قاتل ہن ، عزت عہدے نال نہیں کردار نال تھیندی ہے ۔ بدھ کوں آپنڑیں حلقے دے دورے دے دوران عوام، اکابرین اتے منتخب نمائندیاں نال گالھ مہاڑ کریندے ہوئیں وزیر داخلہ آکھیا جو پاکستان اچ حکومت کرنڑاں بہوں اوکھا کم ہے ، جتھاں ہک پاسے مسلیاں دا بار لگیا پئے اتھاں ڈوجھے پاسے لوکیں دیاں توقعات ہن ، جڈانجو اﷲ تعالیٰ دے فضل و کرم نال مسلم لیگ (ن) عوام نال کیتے گئے وعدے پورے کریندی پئی ہے ۔ انہاں آکھیا جو 2017ءدے پاکستان اتے ماضی دے پاکستان اچ واضح فرق ہے اتے ایندے اچ بئی بہتری امسی ، جنہاں ایں ملک اتے لوکیں کیتے کجھ کائنی کیتا اتے آپنڑیں دور حکومت اچ نااہلی دیاں مثالاں قائم کیتیاں ہن او الزام تراشیاں اتے بہتان بازی دا سہارا گھن تے آپ دیاں ناکامیاں اُتے پردہ پاونڑ اتے لوکیں کوں گمراہ کرنڑ دی کوشش کریندے ہن ۔