عوام کوں سفر اتے مال برداری دیاں بہترین سہولتاں ڈیونڑ اتے ادارے دا نقصان گھٹ کرنڑ کیتے پبلک پرائیویٹ سانجھے داری دے نمونے کوں ترجیحی بنیاداںتے زیرغور گھن آیا ونجے ، وفاقی وزیر ریلوے خواجہ سعد رفیق

اسلام آباد ۔ 04 مارچ (اے پی پی) وفاقی وزیر ریلوے خواجہ سعد رفیق ہدایت کیتی ہے جو 20 کروڑ پاکستانیاں کوں سفر اتے مال برداری دیاں بہترین سہولتاں ڈیونڑ اتے ادارے دے نقصان کوں گھٹ کرنڑ کیتے پبلک پرائیویٹ سانجھے داری دے نمونے کوں ترجیحی بنیاداںتے زیرغور گھن آیا ونجے ۔ ریلوے ہیڈکوارٹر ز اچ اعلیٰ سطح دے ہک اجلاس نال خطاب کریندے ہوئیں خواجہ سعد رفیق آکھیا جو میرٹ، دیانت اتے شفافیت دے اصولاں تے عمل کریندے ہوئیں پاکستان ریلویز شالیمار ایکسپریس کوں ہک ارب اسی کروڑ روپے سالانہ اُتے آﺅٹ سورس کیتے جیہڑی جو پہلے صرف 66کروڑ سالانہ ڈیندی پئی ہئی ۔ انہاں ایں موقعے تے خوشحال خان خٹک اتے بولان ایکسپریس کوں ہک واری ولا پبلک پرائیوٹ سانجھے داری کیتے پیش کرنڑ دی ہدایت کیتی ۔ اجلاس اچ چیف ایگزیکٹوآفیسرپاکستان ریلویز محمدجاوید انور ، مشیر ریلویز انجم پرویز اتے بئے اعلیٰ افسراں شرکت کیتی۔ خواجہ سعد رفیق کو ںاعلیٰ افسراں رپورٹ پیش کیتی جو امریکن ساخت دے 55لوکوموٹیوزطے شدہ شیڈول توں وی پہلے پاکستان پج ویسن ۔